विचार १९.

शब्द बोलताना शब्दाला धार नको तर आधार असला पाहिजे. कारण धार असलेले शब्द मन कापतात आणि आधार असलेले शब्द मन जिंकतात.  

..ණ मनोज गुजर दि– १७/०८/२०१३ 

विचार १८.

कोणतही काम किंवा कार्य असे करा कि, त्या कामाला किंवा कार्याला गर्व असला पाहिजे कि तुम्ही त्याला केले आहे.

..ණ मनोज गुजर दि– १६/०८/२०१३  

विचार १७.

आज आम्ही आमच्या विचार क्षमतेचा आणि बुद्धिमत्तेचा रीमोट समोरच्या च्या हाती देऊन आमच्या विचार क्षमतेला व बुद्धिमत्तेला कायमचा थांबा दिला आहे. मग समोरचा जे बटन दाबेल तसे आम्ही विचार करतो, वागतो, बोलतो आणि नाचतो सुद्धा.

संदर्भ :-

जर कोणी आम्हाला सांगीतले कि, हे खरं आहे आणि हे खोटं आहे, हे चांगलं आहे आणि हे वाईट आहे. तेव्हा आम्ही थोडाही विचार न करता व बुद्धीचा वापर न करता दुसऱ्याने सांगितलेल्याप्रमाणे खरं किंवा खोटं, चांगलं किंवा वाईट ठरवत असतो. 

..ණ मनोज गुजर दि– १६/०८/२०१३