सर्व काही तूच.

तूच देव जाणला

तूच देव मानला

तूच ठरवितो कोण

आस्तिक

तूच ठरवितो कोण

नास्तिक

तूच देव वर्णिला

तूच पाहिले त्याचे

विराट रूप

तरी, तूच म्हणवितो देव

निर्मितो आम्हास

तूच देव विभागला,

तूच देव जातीत वाटला,

तूच बांधली देऊळ,

तूच बांधली मंदिरं

तूच वेदाआधी होता

तूच परमेश्वराआधी होता

तूच जाणले वेदाचे

चमत्कार

तूच साजरे केले

ईश्वराचे जन्मोत्सव  

तूच सूर्याला सूर्य म्हटले

व सूर्य, सूर्य झाला

तूच चंद्राला चंद्र म्हटले

व चंद्र, चंद्र झाला   

तूच अवघ्या विश्वाचे

नामकरण केलेस

तूच आहेस सर्व काही

हे सामर्थ्यवान माणसा

तुझ्यामुळेच अर्थ आहे

विश्वाला हि

जाण असू दे रे माणसा.

 

..ණ मनोज गुजर