प्रयत्न

प्रयत्नांना पर्याय नाही आडवाट नाही, पळवाट नाही प्रयत्न ही एक प्रक्रिया आहे. प्रतिष्ठा असो वा धन, यश असो वा सन्मान, कौशल्य असो वा ज्ञान, प्रयत्नांशिवाय प्राप्ती नाही. प्रयत्नांशिवाय पात्रता नाही. मुंगी जे खाद्य घेऊन वावरते ते तिच्या अंदाजे आठपट असतं, सुगरणीचा खोपा वा कोळ्याचं घर आपल्यासाठी नवल असतं. अंगभूत कौशल्य असतंच, मात्र त्यात पारंगत बनण्यासाठी किंवा साध्य प्राप्त करण्यासाठी प्रयत्नांमध्ये सातत्य हवं. नियोजन, शिस्त नि लक्ष्य हवं. स्वत:च्या क्षमता नि वेगळेपण प्रयत्नांशिवाय कळत नाही, कृतीतून अनुभवल्याशिवाय शहाणपण काही मिळत नाही. प्रयत्न करणाऱ्यांसाठी कठीण वा अशक्य असं काही नसतं, धडपडणाऱ्या मनामनांत 'कोलंबसचं गीत' प्रेरणा असतं. ग्रहांच्या अपेक्षित फलापेक्षा प्रयत्नांचा 'निग्रह' अधिक हवा. आकाशाला कवेत घेण्यासाठी प्रयत्नांवरच भरवसा असावा. 'काय करू नये' ठरवलं की, स्वत:ला आपसूक गवसत जातो. चुकत माकत चकचकीत होत माणूस म्हणून घडत राहतो.

संग्रहित....

जीवनात माणूस कमावणे शिका व माणूस कमवा

जीवनात येतांना आपण काही घेऊन आलो नव्हतो व जातांना सुद्धा काही घेऊन जाणार नाहीये. तर सर्व काही इथेच सोडून जाणार आहोत हे समीकरण आमच्या डोक्यात फिट असतांनाही काही लोकं श्रीमंतीचा तोरा आयुष्यभर मिरवीत असतात. शिवाय श्रीमंतीच्या जोरावर एखाद्या माणसावर अधिकार गाजवत असतात. श्रीमंतीच्या पुढे माणसाची किंमत शून्य ठरवणारे हे लोक असतात.

फक्त पैशाच्याच मागे धाऊ नका व पैसाच कमाऊ नका तर जीवनात माणूस कमावणे शिका. माणूस कमवा, कधीतरी माणसाला महत्व द्या. कारण पावलोपावली मृत्यू लिहिलेला आहे कधी येईल याची खात्री नाही व मृत्यू आला कि पैसा नाही तर माणसं धावून येतात. 

..ණ मनोज गुजर 

विचार ४२

"नातेवाईकच" "नातेवाईट" करत असतात.

..ණ मनोज गुजर 

विचार ४१

कसं दिसावं यापेक्षा कसं असावं याला जास्त महत्व द्यावे.

..ණ मनोज गुजर